Tá fear cúisithe inniu as seanbhean (86) a mhugáil i gCill Chainnigh ar an Luan seo caite, an 9 Iúil.
Chuaigh Mariusz Chelstowski (35), as an bPolainn ó dhúchas, os comhair na cúirte níos luaithe inniu i gCeatharlach. Cuireadh ina leith anois gur ghoid sé a sparán ó Mary Nolan nuair a bhí sí amuigh ag siúl ar Shráid Bhailcín ar an Luan. Bhain gortuithe do chloigeann na mná agus b’éigean cóir leighis a chur uirthi.
Gabhadh Chelstowski an tráthnóna sin.
Tá sé le dul os comhair na cúirte arís ar an 17 Iúil. Beidh sé faoi choimeád ag príosún Chnoc Seimre go dtí sin.
